boredom

Alas otso kwarentaytres nan duyom. Waya pa nisayup an adlaw. Siguro, ngadj-an mga alas jes mongitngit-ngitngit. Nag haguk na an ako himos na mga ulitawo (puyra bujag) pero ako jari pa nag lagat an mata. Naghuyat sa alas nuybe na programa sa BBC 1. Umay ako lain himoon? Sigi ra laman solitaryo sa ako kompyuter. Kaon nasab? Nahurot na nako isa ka bag nan bourbon. Uno pa man? Nag-init na an ako lubot, sakit na ako likod. Tana, jaoy makahilot na manang. Tana, mosilib ra ko sa bintana para mositsit sa mulabay na hoy, palihug anay pakaria si Manang diha sa kanto, lang-a na magpahilot ko kadali kay kahilantanon ko (kinta) pero lagi, kagana sab lamang kun makasiningud ako.

An ako bana adto kinta sa Yorkshire kuman kay ayang, amo may ija trabaho - mag biyahe kun kinahanglanon. Nan, ako ra kinta diri sa bayay an nag atiman sa mga bata. Ayang, simay lain. Nan mura kinta ako nan tala magsin hinuktok kay waya nay kaistorya kay hagok naman arin ako mga bata. Nabuang na ko nag-internet, sakit na ak mata. Sa petsa singko pa nako makuha an ako bag-o na antyohos.

Na amo lagi, Way klaro. Grabe sab kaw, igo ra man basa. Suyat sab diri kun unoy imo ikalaong dako o kun unoy jaon sa imo alimpatakan kuman. Sigi na, ajaw na sinpahiyum kay mora kaw tala did-on tan-awon.